كان فيه لاعب انجليزي بيلعب في اليونايتد وراح ويستبروم في أوائل الالفينات...اللاعب ده اتصاب في ركبته...
راح لدكتور مصري اسمه : مدحت محمد الصفتي...
مدحت الصفتي شاف الأشعة وقاله ده رباط صليبي...لازم عمليه
عمل اللاعب العمليه...وبعد ما خلص العمليه وقام منها لقى نفسه يتألم بقوة من ركبته...ومش قادر يمارس كرة القدم..
رجع للدكتور مدحت الصفتي قاله عاش يا وحش...كمل على كده ماتقلقش وثقه في الله نجاح..:-D
رجع اللاعب اللي كان حاكي لزمايله المقربين ريان جيجز و جاري نيفيل...اللاعبين والسير أليكس فيرجسون قالوله روح لدكتور اليونايتد...
دكتور اليونايتد شافه وقاله ايه الهباب ده يا بني...انت مش هينفع تلعب كرة قدم ثاني، انت ماكنش عندك رباط صليبي كان عندك تمزق و مفروض كان يتعمل علاج طبيعي بس...
اللاعب حاول ييجي على نفسه ولعب دقائق معدودة أمام نادي برمنجهام وماقدرش يكمل وخرج عالمحكمه ورفع قضيه عالدكتور المصري...
استدعى جيجز و نيفل للشهادة وشهدوا...
الدكتور المصري أعترف بعد وصية من المحامي بتاعه بأنه اخطئ في التشخيص...والمحكمه حكمت بمليون ونص استرليني كتعويض...
الدكتور دفعهم و اللاعب خد الفلوس واعتزل و اتجه للتدريب..
فضل يدرس التدريب وفي الاخر ربنا كرمه وبقى مساعد مساعد المدرب...المدرب ده كان ايطالي و مشي...
بقى مساعد المدرب لأن مساعد المدرب الاولاني بقى مدرب :-D
مشي برضه المدرب....هوب بقى مدرب :-D
مدرب ليستر سيتي مايكل أبليتون
اوعى تروح للدكتور ده يابو صلاح ...ربنا يبعد عنك الإصابات يابني :-D
#المصريين_خطر_عالعالم
