ADHitz

Search The Web

اعلانات عالمية

الثلاثاء، 5 سبتمبر 2017

قصة صالح سليم مع حفيدته في لندن بعد علمه بإصابته بالسرطان

صالح سليم كان متعود يسافر لندن عشان يعمل كشف طبى دورى سنوى علي صحته .. فـي سنة 1998 راح السفرية السنوية بس المرة دى خد معاه حفيدته - نورا هشام سليم - عمل التحاليل الصبح وكان هيستلم النتيجة بتاعته الساعه 7 بالليل فـرجع البيت عالضهر وقعد مع حفيدته يشوفوا هيقضوا باقى اليوم إزاى لحد ميعاد إستلام التحاليل ؟ ولأن البنت كانت أول مرة تسافر مع جدها فقال لها اللى هتقولى عليه هنعمله .

نورا طلبت منه طلبين إنها تاكل فـي محل هامبورجر مشهور هناك وإنها تدخل فيلم معين فـ السينما بشرط إن جدها يكون معاها .. وعدها .. بس ميعاد السينما كان هيكون الساعه 8 بالليل؛ فقالوا يبقى نعدى نجيب التحاليل الأول ونطلع بعدها ع السينما والمطعم .. راحوا .. البنت أنتظرت تحت فـ العربية وهو دخل قابل الدكتور اللى فاجأه بنتيجة التحاليل وإصابته بـ سرطان الكبد اللى ظهر فـي نصف مساحة الكبد تقريباً وقال له كده كده لو إحنا محظوظين يبقى هتعيش لمدة 5 سنين تانية بس ؛ لكن خلينا نعمل اللى علينا للآخر ونبدء خطة العلاج فوراً .

صالح إستقبل الخبر بمنتهى الهدوء؛ ولسه الدكتور هيبدأ يشرح خطة العلاج بتاعته الفترة الجاية لقى صالح بص فـ ساعته وقام وقف وقال له وهو بيبتسم : ممكن نأجل الحديث عن العلاج لبكرة ؟ أنا مرتبط بموعد مهم حالاً .. الدكتور أستغرب وسأله : إنها صحتك ! أى موعد ! .. رد صالح : سأذهب لتناول الهامبورجر وحضور فيلم فـ السينما مع حفيدتى لقد وعدتها 

الدكتور سأله : والعلاج ؟ .. رد صالح : أعدك أننى سأحضر فـ الغد الساعه العاشرة صباحاً لنناقش هذا الأمر .. وبدون ما ينتظر رده كان خرج من العيادة وشاف نورا منتظراه وأول ما شافها ضحك فـ وشها ضحكة كبيرة وسألها : أتأخرت عليكى ؟ .. قالتله : لأ يا جدو .. خرجوا وهيصوا وإنبسطوا ورجعوا البيت بيدندنوا الأغنية اللى كانت فـ الفيلم اللى سمعوه ! .. اللى يعرف صالح سليم وقرأ عنه هيعرف إنه كان شخصية قوية وقاسية وحاسمة جداً .. مراته كانت معاه فـي لندن .

لما روح مرضيش يقول لها ع الخبر الخاص بـ مرضه عشان متنامش وهى زعلانة ! .. الصبح بدرى وهما بيفطروا بلغها .. ونزل راح للدكتور الساعه 10 الصبح بالظبط لدرجة إنه أستغرب لما شافه واقف قدامه وقال له : كنت أراهن نفسى أنك لن تعود؛ فمعظم من يواجهون بحقيقة مرضهم ييأسون ولا يعودون أبداً ! .. رد صالح : وعدت حفيدتى بالأمس وأوفيت ، ووعدتك أنت أيضاً أن أعود ووفيت؛ فى الحقيقة لا يوجد سبب واحد يجعل رجل حقيقى يخلف وعده إلا الموت 

الاثنين، 4 سبتمبر 2017

نتيجة مباراة ليبيا و غينيا في تصفيات كأس العالم

حقق منتخب ليبيا فوزه الأول في التصفيات الإفريقية المؤهلة لمونديال روسيا 2018 لكرة القدم، وفاز على نظيره الغيني 1 /صفر، اليوم الإثنين، على ملعب مصطفى بن جنات بمدينة المنستير التونسية، في الجولة الرابعة من منافسات المجموعة الأولى.

هل ينتقل ميدو جابر الى الاسماعيلي ؟

قال وليد عبد الهادى و كيل اللاعب ميدو جابر ان مسئولو الإسماعيلي حاولوا الاتصال باللاعب أكثر من مرة و لكن دون جدوى.

 " اللاعب يرفض الرد على اتصالاتهم ، وفي حال عدم استمرار ميدو في الأهلي سينتقل لأحد الدوريات العربية

Engageya